moodle/lang/tl/help/workshop/gradingstrategy.html

<p style="text-align: center"><b>Estratehiya sa Pagmamarka</b></p>

<p>Maraming uri ng paraan ng pagmamarka na magagamit sa isang
pangworkshop na takdang-aralin.  Ang mga ito ay:</p>

<ol>
<li><b>Walang marka:</b> Sa ganitong klase ng takdang-aralin, hindi
interesado ang guro sa kantitatibong pagtatasa mula sa mga mag-aaral.
Magbibigay ng mga opinyon ang mga mag-aaral sa mga gawa pero hindi nila ito
mamarkahan.  Pero puwedeng markahan ng guro ang mga opinyon ng mga
mag-aaral kung gugustuhin niya.  Ang mga "marka ng pagmamarka" na
ito ang magiging batayan ng huling marka ng mga mag-aaral.  Kung hindi
bigyan ng marka ng guro ang mga pagtatasa ng mag-aaral, ang
takdang-aralin ay walang anumang huling marka.</li>

	
<li><p><b>Padagdag na pagmamarka:</b> 
Ito ang default na uri ng pagmamarka.  Sa ganitong uri ng
takdang-aralin, ang marka ng bawat pagtatasa ay binubuo ng ilang
"elemento ng pagtatasa".  Kailangang sumaklaw ng isang
partikular na aspekto ng takdang-aralin ang bawat elemento.  Karaniwan,
ang isang takdang-aralin ay may 5 hanggang 15 elemento para sa mga
opinyon at marka; ang aktuwal na bilang ay depende sa laki at
kasalimuotan ng takdang-aralin.  Ang pangkapwang takdang-aralin na may
iisang elemento ay pinapahintulutan at ang estratehiya nito sa pagtatasa
ay katulad din ng istandard na Takdang-aralin ng Moodle.</p>
	
<p>Ang mga elemento ay mayroong tatlong katangian na sumusunod:</p>

<ol>
<li>DESKRIPSIYON ng elemento ng pagtatasa.  Dapat nitong ipahayag nang
malinaw kung anong aspekto ng takdang-aralin ang tinatasa.  Kung
kalitatibo ang pagtatasa, makakatulong na magbigay ng mga detalye kung
ano ang itinuturing na pinakamagaling, katamtaman, at mahinang klase.</li>

	
<li>ISKALA ng elemento ng pagtatasa.  Maraming yarî nang iskala.
Mayroong simpleng OO/HINDI na iskala, maraming puntos na iskala, at ganap na
deporsiyentong iskala.  Ang bawat elemento ay may sarili nitong iskala
na dapat piliin alinsunod sa bilang ng posibleng pagkakaiba-iba ng elementong
iyon.  Tandaan na HINDI itinatakda ng iskala ang kahalagahan ng
elementong iyon sa pagkuwenta ng pangkalahatang marka, ang isang
dalawang punto na iskala ay may parehong "impluwensiya" ng 100
puntong iskala, kung pareho ang timbang ng mga elementong ito...</li>

<li>TIMBANG ng elemento ng pagtatasa.  Ang default ay parepareho ang
ibinigay na importansiya sa mga elemento kapag kinuwenta na ang
pangkalahatang marka para sa takdang-aralin.  Maari itong baguhin sa
pamamagitan ng pagbibigay ng timbang na mas malaki sa isa sa mas
importanteng elemento, at timbang na mababa sa isa para sa hindi gaanong
importanteng elemento.  Ang pagbabago ng mga timbang ay HINDI
makakaapekto sa maksimum na marka, ang halagang ito ay ipinirmi na ng
parameter na Maksimum na Marka ng pangkapwang takdang-aralin.  Maaring
bigyan ng negatibong halaga ang mga timbang; ito ay katangiang
eksperimental pa lamang.</li>
</ol></li>

<li><b>Error Banded na Pagmamarka:</b> 
Sa ganitong uri ng takdang-aralin, ang mga ipinasa ay minamarkahan
alinsunod sa isang set ng OO/HINDI na iskala.  Ang marka ay kinikuwenta
sa pamamagitan ng "Manghad ng Marka" na nagbibigay ng relasyon
ng bilang ng "error" at ng mungkahing marka.  Halimbawa, ang
isang takdang-aralin ay maaaring may anim na makabuluhang aytem na
kailangang presente, Ibibigay ng Manghad ng Marka ang mga mungkahing
marka kung lahat ay presente, isa ang nawawala, dalawa ang nawawala,
atbp.  Puwedeng bigyan ng timbang ang mga indibidwal na aytem kung ang
ilang aytem ay mas mahalaga kaysa sa iba.  Ang bilang ng
"error" ay isang tinimbangang kabuuan ng mga aytem na
nawawala.  Ang default ay binibigyan ang bawat aytem ng timbang na isa.
Maaring hindi linear ang manghad ng pagmamarka, halimbawa ang mga
mungkahing marka ay maaaring 90%, 70%, 50%, 40%, 30%, 20%, 10%, 0%, 0%,
0% para sa isang takdang-aralin na may 10 aytem.  Maaring i-adjust ng
tagasuri ang mga mungkahing marka ng hanggang 20% pataas man o
pababa upang makuwenta ang huling marka ng ipinasa.</li>
	
<li><b>Pagmamarka na ayon sa Pamantayan:</b> 
Ito ang pinakasimpleng uri ng pagstatasa na mamarkahan (bagamat hindi
pinakamadali na isaayos).  Ang mga ipinasa ay minamarkahan alinsunod sa
isang set ng pahayag na pamantayan.  Pinipili ng tagatasa ang pahayag na
pinakaangkop sa isang gawa.  Ang marka ay nakukuwenta sa pamamagitan ng
"Manghad ng Pamantayan" na nagbibigay ng mungkahing marka para
sa bawat pamantayan.  Halimbawa, maaaring iset-up ang isang
takdang-aralin na may limang pahayag na pamantayan at ang mga tagasuri ay
kailangang pumilì ng isa mula sa limang pahayag para sa bawat isa sa mga
pagtatasa nila.  Tulad din ng Banded na takdang-aralin, puwedeng
i-adjust ng tagasuri ang iminumungkahing marka nang hanggang 20% upang
makuha ang huling marka.</li>

<li><b>Rubric</b> Katulad ito ng Pagmamarka ayon sa Pamantayan, maliban sa marami itong
set ng pamantayan.  Ang bawat set na sumasaklaw sa isang partikular na "Kategoriya", 
ay maaaring magkaroon ng hanggang limang pahayag.  Ang mga set ay binibigyan ng indibidwal
na timbang at ang marka ay isang tinimbangan na kombinasyon ng mga iskor mula sa bawat set.  
<b>Walang</b> opsiyon sa pag-aadjust sa uring ito ng pagtatasa.</li>

</ol>