moodle/lang/tl/help/exercise/managing.html

<p style="text-align: center"><b>Pamamahala ng Pang-ehersisyong Takdang-aralin</b></p>

<p>Ang Pang-ehersisyong Takdang-aralin ay mas masalimuot kaysa sa ordinaryong
takdang-aralin.  May tatlong hakbang ito o bahagi. Ito ay ang mga sumusunod:</p>

<ol>
<li><p><b>Iayos ang Ehersisyo</b> Mapapadali ang pagtatasa ng gawa na nalikha sa ehersisyo 
kung hahatiin ang pagtatasa ng takdang-aralin sa ilang ELEMENTO ng
pagtatasa.  Nababawasan nito ang panghuhula ng marka at binibigyan ng
balangkas ang mga mag-aaral na mapagbabatayan nila ng pagtatasa.
Tungkulin ng guro na isaayos ang mga elemento ng pagtatasa, na siya ring
magiging markahan.  (Tingnan ang pahinang iyon para sa detalye.)</p>

    <p>Kapag naisaayos na ang guro ang mga elementong pantasa, kailangan 
niyang magpasa ng Dokumentong Word o file na HTML na naglalarawan ng 
ehersisyo o gawain na gagampanan ng mga mag-aaral.  Ang file na ito ay 
ipapakita sa mga mag-aaral sa ikalawang hakbang ng ehersisyo.
</p>

    <p>Kung ibig ng guro, maaari silang maghanda ng set ng magkakatulad 
na ehersisyo,  mulî ay mga Dokumentong Word o file na HTML, at iaplowd 
ang mga ito sa Ehersisyo.  Tandaan naang mga ehersisyong ito ay dapat 
magkakamukha dahil iisang Form na Pantasa ang gagamitin sa lahat ng anyo 
nito.  Ang pagpapasa ng maraming set ng ehersisyo ay opsiyonal para sa 
guro, at maaaring hindi angkop sa ibang takdang-aralin.
</p></li>

<li><p><b>Pahintulutan ang Pagtatasa at Pagpapasa ng mga Mag-aaral</b> 
Bukas na ngayon ang takdang-aralin sa mga mag-aaral.  Kung nagsaayos ng 
maraming ehersisyo ang guro, makakakita ang mga mag-aaral ng iba-ibang 
ehersisyo, kundi ay iisang ehersisyo ang makikita ng lahat ng mag-aaral.
</p>

<p>Bago makapagpasa ng gawa nila ang mag-aaral ay kailangan munang 
kumpletohin niya ang form na pantasa.  Kapag nakumpleto na nila ito, 
papakitaan sila ng form na pang-aplowd.  Puwedeng baguhin ng mag-aaral 
ang ginawa nila alinsunod sa ginawa nilang pagtatasa sa sarili.
 </p>

<p>Kapag naipasa na ang gawa ng mag-aaral, matatasa na ito ng guro.  ang 
link na &quot;Mga Ipinasa ng Mag-aaral para Tasahin&quot; ay magpapakita 
ng pahina na nagpapakita ng mga gawa na hindi pa natatasa.  Ang 
pinakamatandang ipinasa ay nasa tutok ng pahina.  Ang form na pantasa 
para sa bawat isa sa mga ipinasang ito ay nakabatay sa simula sa 
pagtatasa ng mga estudyante sa sarili nilang gawa.  Mababago ng guro ang 
mga pagtatasang ito at makapagdaragdag ng opinyon.  Sa dulo ay may 
dalawang buton na puwedeng gamitin ng guro sa pagpapasiya kung 
pahihintulutan nilang muling makapagpasa ang mag-aaral ng gawa nila o 
hindi na.
</p>

<p>Kapag nagpasiya ang guro na pahintulutang muling makapagpasa nag mga 
mag-aaral at ginawa naman nila, ipapakita sa guro ang bagong gawa.  Sa 
kasong ito ang laman ng form na pantasa ang ang dating pagtatasa ng 
guro.  Ang parehong opsiyon, muling ipasa o hindi, ay nagpapahintulot sa 
guro na kontrolin ang pag-ikot ng muling pagpapasa at pagtatasa.  Kapag 
pinahintulutan ang mga estudyante na magpasa ng maraming bersiyon ng 
gawa niya sa Ehersisyo,  dapat pagpasiyahan ng guro kung ibabatay ang 
huling marka sa maksimum na marka ng mag-aaral o sa katamtamang marka ng 
set ng ipinasa.  Mababago ang opsiyong ito anumang oras sa panahon ng 
Ehersisyo sa pamamagitan ng pagbabago ng Ehersisyo.  Ang epekto nito ay 
dagliang makikita sa pahina ng Marka.
</p>

<p>Kapag naabot na ang huling araw ng pasahan, maaari pa ring ipasa o 
muling ipasa ng mag-aaral ang ginawa niya.  Ang likha ay lalagyan ng 
watawat na &quot;hulí&quot;.  Lilitaw ang gawang ito sa listahan ng mga 
gawa na kailangang tasahin, at kung ibig ng guro ay puwede niyang 
tasahin sa normal na paraan. Sa iba-ibang listahan ng mga ipinasa, ang 
petsa ng pagkakapasa nito ay ipapakita na may kulay pula (at kulay pula 
rin ang petsa simula nang ipasa ito sa listahan ng mga gawa na 
mamarkahan).  Kapag namarkahan na, ang marka ng nahulíng gawa ay kulay 
pula at nakapaloob sa mga bracket.  Ang mga ganitong marka ay 
<b>hindi</b> ginagamit sa pagkuwenta ng mga huling marka at hindi 
isinasama sa mga pahina ng Marka.  Matatanggal ng guro ang watawat ng 
pagkahulí sa pamamagitan ng pagtungo sa pahinang pang-Administrasyon at 
pagklik sa nagkop na link.  Pagkatapos nito ang gawa ay gagamitin na sa 
pagkuwenta ng huling marka.
</p></li>

<li><p><b>Ipakita ang Pangkalahatang Marka at ang Panligang Manghad</b> 
Sa katapusang hakbang na ito ng Ehersisyo, makikita na ng mga mag-aaral 
ang kanilang mga &quot;hulíng&quot; marka.  Sa lahat ng hakbang ng 
Ehersisyo (maliban sa unang hakbang), ang mga marka ay makikita ng mga 
mag-aaral, subali't pawang &quot;bahagi&quot; lamang ito ng kabuuang 
marka, dahil kinukuwenta ito kaagad mula sa mga pagtatasa na mayroon na.
</p>

<p>Sa katapusang hakbang na ito, <b>hindi</b> na puwedeng magpasa ng
anuman ang mga mag-aaral.  Sa madaling salita, sarado na ang
takdang-aralin at puwedeng ipakita ng guro sa mga mag-aaral ang mga
pinakamahusay na gawa na ipinasa bilang halimbawa...
</p>

<p>Ang mga mag-aaral (at ang guro) ay maaari ring pakitaan ng 
&quot;Panligang Manghad&quot; ng mga ipinasa ng mag-aaral.  Nakalista 
ang mga ipinasa rito alinsunod sa marka, ang pinakamahusay na ipinasa 
ang nasa tuktok.  dito ang marka na ibinigay sa ipinasa ay ang marka 
mula sa guro.  Kung nagpasa ang mag-aaral ng higit sa isang piraso ng 
gawa, tanging ang pinakamahusay na gawa ang ipapakita sa manghad.  Kung 
ang bilang ng talâ sa manghad ay itinakda sa sero, ang manghad na ito ay 
hindi ipapakita.
</p></li>
</ol>

<p>Ang marka ng mag-aaral para sa Ehersisyo ay ang kabuuan ng kanilang 
marka ng pagmamarka ng (unang) pagtatasa, at ang marka ng (mga) ipinasa 
nila.  Ang maksimum na halaga para sa mga markang ito ay ibinibigay 
kapag isinaayos ang Ehersisyo.  Magkagayunman, ang mga maksimum na 
halagang ito ay maaaring baguhin (sa pamamagitan ng pagpapanibago ng 
Ehersisyo) anumang oras sa panahon ng ehersisyo, at ang mga markang 
ipinakita sa mga mag-aaral at guro ay palaging sasalamin sa kasalukuyang 
maksimum na mga halaga.
</p>

<p>Sa alinmang hakbang sa takdang-aralin, maaaring buksan ng guro ang
pahinang "Pang-administrasyon".  Inililista nito ang mga pagtatasa ng
mag-aaral (ng sarili ilang gawa) at ang mga ipinasa ng mag-aaral.
  Magagamit ng guro ang pahinang ito sa pagtatasa at muling pagtatasa ng
ipinasa, pagmamarka at muling pagmamarka ng pagtatasa, pagbura ng
ipinasa at pagtatasa, at pangkalahatang pagsubaybay sa progreso ng
takdang-aralin.</p>