Mga magagamit na sarbey

Sa kasalukuyan, may dalawa lamang na partikular na uri ng survey ang mayroon sa Moodle (sa mga susunod na bersiyon makakagawa ka na ng sarili mong sarbey.)

Pinili ang mg available na survey dahil itinututing namin silang kapakipakinabang sa pagevaluate ng mga online learning environment na gumagamit ng constructivist pedagogy. Nagagamit sila sa pagtukoy ng ilang trend na maaaring nagaganap sa mga kalahok mo. (Kung gusto mong makabasa ng papel na ginagamit ito sa isang detalyadong pagsusuri, tingnan ang: http://dougiamas.com/writing/herdsa2002)

COLLES - Constructivist On-Line Learning Environment Survey

Ang COLLES ay binubuo ng maiigsing 24 na pahayag, na pinangkat sa anim na iskala, bawat isa ay tumutulong sa ating sagutin ang isang mahalagang tanong tungkol sa kalidad ng on-line learning environment:

Kabuluhan	Makabuluhan ba ang on-line learning sa pagpapraktis ng propesyon ng mga mag-aaral?
Reflection	Nakagaganyak ba ang on-line learning sa critical reflective na pag-iisip ng mga mag-aaral?
Interactivity	Hanggang saan lumalahok ang mga mag-aaral sa mayamang pang-edukasyong talakayan?
Suporta ng mga Guro	Gaano kahusay tinutulungan ng mga guro ang mga mag-aaral sa paglahok sa on-line na pag-aaral?
Supporta ng Kapwa Mag-aaral	Nagbibigay ba ng sensitibo at nakapagpapalakas-ng-loob na suporta ang mga kapwa mag-aaral nila?
Interpretasyon	Nagkakaunawaan ba ang mga mag-aaral at guro sa kanilang mga on-line na komunikasyon?

Ang nasa likod ng dynamic na pananaw sa pag-aaral na ito ay ang bagong teoriya ng pag-unawa: social constructivism, na inilalarawan ang ang mag-aaral bilang isang aktibong conceptualiser na nakapaloob sa isang socially interactive learning environment (panlipunang interaktibong kapaligiran ng pag-aaral). Ang social constructivism ay isang epistemolohiya, o isang paraan ng pag-unawa, kung saan ang mga mag-aaral ay nagtutulong-tulong nang may pagsusuri sa kanilang ginagawa upang sama-samang makalikha ng mga bagong pagkaunawa, lalo pa sa konteksto ng mutual nilang pagtatanong hinggil sa mga bagay-bagay, na nakaugat sa kanilang mga personal na karanasan.

Ang sentro ng bayanihang ito ay ang pagpapaunlad sa kakayanang makipag-usap ng mga mag-aaral, alalaong baga'y, abilidad na makipagtalakayan nang bukas at may pagpuna sa tama at mali--pareho sa guro at mga kapwa mag-aara. Ang talakayang ito ay kakikitaan ng oryentasyong emphatic sa pagbubuo ng reciprocal na pag-unawa, at kritikal na aktitud sa pagsusuri ng mga inaakala sa likod ng mga katotohanang ipinapalagay na totoo.

Ang COLLES ay dinesayn upang mamonitor mo kung hanggang saan mo nagamit ang interactive na kapasidad ng World Wide Web sa pagpapalahok ng mga mag-aaral sa dynamic na mga paraan ng pagkatuto.

(Ang impormasyong ito ay inadapt sa COLLES page. Marami pang impormasyon hinggil sa COLLES at sa mga may-akda nito sa: http://surveylearning.com/colles/)

ATTLS - Attitudes to Thinking and Learning Survey

Ang teoriya ng 'mga paraan ng pagunawa', nagsimula sa larangan ng gender research (Belenky et al., 1986) ay nagbibigay sa atin ng instrumentong pang-survey na ginagamit sa pagsusuri ng kalidad ng talakayan sa loob ng collaborative environment.

Ang Attitudes Towards Thinking and Learning Survey (ATTLS) ay isang instrumentong pinaunlad ni Galotti et al. (1999) upang masukat kung hanggang saan maituturing ang isang tao na 'connected knower' (CK) o 'separate knower' (SK).

Ang mga taong may mas mataas na CK iskor ay mas nageenjoy sa pag-aaral, at karaniwan ay mas cooperative, congenial at mas handang magdagdag sa ideya ng iba, samantalang iyong may mas mataas na iskor SK iskor ay mas kritikal at mas mahilig makipagtalo habang nag-aaral.

Ipinakita ng mga pananaliksik na ang dalawang paraan ng pag-aarl ay independiyente sa isa't-isa (Galotti et al., 1999; Galotti et al., 2001). At saka, repleksiyon lamang ang mga ito ng aktitud sa pag-aaral, at hindi ng kapasidad sa pagkatuto o katalinuhan.

Belenky, M. F., Clinchy, B. M., Goldberger, N. R., & Tarule, J. M. (1986). Women's Ways of Knowing: The Development of Self, Voice, and Mind. New York: Basic Books, Inc.

Galotti, K. M., Clinchy, B. M., Ainsworth, K., Lavin, B., & Mansfield, A. F. (1999). A New Way of Assessing Ways of Knowing: The Attitudes Towards Thinking and Learning Survey (ATTLS). Sex Roles, 40(9/10), 745-766.

Galotti, K. M., Reimer, R. L., & Drebus, D. W. (2001). Ways of knowing as learning styles: Learning MAGIC with a partner. Sex Roles, 44(7/8), 419-436.